Idédebatt som låter arbetarrörelsen och vänstern blicka framåt.

norræna samfélagsmódelið hefur skilað afbragðsgóðum árangri. Módelið byggist á blöndu ábyrgrar efnahagsstefnu, krafti til nýsköpunar, velferð og öflugum aðilum á vinnumarkaði. Þannig hafa myndast samfélög með mikilli velmegun, umfangsmiklu velferðarkerfi og gæðalífi mikils meirihluta íbúa. Módelið bjó um langa hríð við árásir nýfrjálshyggjumanna og annarra afla sem litu svo á að það hefði lokið hlutverki sínu og að það myndi aldrei virka á tímum hnattvæðingar. Enn eru gerðar að því atlögur en það hefur sýnt sig að módelið hefur ekki aðeins náð að lifa af, þrátt fyrir þróun undanfarinna áratuga í átt til aukinna viðskipta á heimsvísu, umfangsmikilla breytinga í efnahagsmálum og stafrænna samskipta sem við gátum ekki látið okkur dreyma um bara einni kynslóð fyrr. Staðreyndin er sú að módelið hefur sannað sig sem besta leiðin til að koma um kring hnattvæðingu með mennsku yfirbragði.